Silfursmári 12

Burðarvirkið er samverkandi kerfi þar sem krosslímt timbur og stálvirki er bundið saman með steypu. Bitar og súlur eru stál en kjarni, gólf, þök og stigar eru úr krosslímdu timbri. Haflengdir eru miklar sem gefur mikinn sveigjanleika varðandi ráðstöfun á rýmum. Arkitektúrinn er glæsilegur og sýnilegt yfirborð krosslímda timbursins er látið njóta sín í loftum, þökum og veggjum. Verkefnið hlaut Grænu skófluna í flokki nýbygginga fyrir heildstæða nálgun að sjálfbærni, gæðum og notagildi. Hönnun hússins tekur mið af Svansviðmiðum og lögð er áhersla á góða dagsbirtu, loftgæði og hljóðvist, auk sveigjanlegra rýma sem geta aðlagast breyttum þörfum notenda.